Złoty Stok: Difference between revisions

| (1491) ..einem schilte halb goldin vnd halb silberinnn die leng, vnd darinn einen Adeler halb schwartz vnd halb roth, beide flugel aufgebreitet, die schwarze helfte des Adelers inn der golden helfte, vnd die rothe helfte des Adelers, inn der silberinn helfte des schilds gesatzt. Derselbe Adeler sal habin eine Fürstlich haube auf seinem höbte vnd einen silberin strich, einem halben monden änlich von einem Flugel vber die brust tzu dem andern flugel reichende. Vnd der Adeler sal auf seiner Brust einen schildt, in vier taill getailit tragen. Zwehen vierdteil dasselbin schiltis eckicht gegen einander, sullin roth sein vnd sal iglich tail desselbin rothin schilts zwehne göldin gebogen striche, von einie egken tzw der andernn die kwier habin vnd die andir tzwehe vierdteill desselbin schildts eckigt gegen einander sullin silberin sein vnd iglich tail sal drei schwartze striche tzu öberste, inn den silberinn schilde haben. Vnd der Adeler sal hindan am rügke ein bergeisen vnd ein Handfustil kretzwertis haben. Das Bergeisenn auf der gulden seite, sal silberinn sein, vnd das ander auf der silberinn seitte des Schildes goldin, beide an gilbichte stiel gefast.